كلها إلك يا حبيبي..لما تنسى عيوني قسوتها وتصير نظرتها ناعمة..هاي النظرة مو إلهم..إلك..حتى لو ما عم تشوفني..لما عقلي بينفعل وتبين اللهفة بصوتي..هاي اللهفة إلك..لما بكون قاعدة لحالي وعم بشتغل ومركزة وفجأة ببتسم..هاي البسمة مو بس إلي..إلك..لما أكون مبسوطة بكون رضيانة عن موقفي معك ووضع علاقتي فيك..ولما تشوف حالك علي..بتمنى ما شوفك طول النهار..عشان ما أزعل منك كمان.. يا سيدي ولما تتأخر وينقضي اليوم ساعة ساعة وما تيجي بقلق..وبوقف شغل..وبوقف ضحك وهبل..وببطل قادرة آخد وأعطي حتى وأنا بحاول..وما بعود قادرة حتى استقبل كلمة..وبصير أقيس الممرات..هادا القلق إلك.. أنا من عادتي باردة وما بتأثر بسرعة ولا بحس كتير..بس أحياناً بيصيبني خوف قوي منك..وهو الخوف اللي خلاني أهواك من الأول..وشعور قوي بأني انتصرت لما أضايقك..وبشتاقلك كتير لو بنص الليل بحس إنو لازم أشوفك لحتى أكمل لتاني يوم طبيعي..كل المشاعر القوية اللي ممكن تصيبني إلك.. أفكاري..حتى مرات وأنا عم صلي بتكون إلك..وخيالي إلك..وحقدي إلك..وغيرتي إلك..وإصراري إلك..وحبي المجنون إلك..وهلأ عم بكتب إلك..ومدونتي إلي..بس إلك.. هي مين؟؟ كيف التقيتو وليه هيك صار؟؟إذا انت إلها مو مشكلة..بعرف إنو مو كلك إلها..بس أنا إلك..ليش..لأنه أطراف روحي معلقة بأشياء كتير..بس هايمة فيك ورايحة إلك..الجزء الأساسي من روحي إلك.. أنا تصالحت مع حالي وعرفت أنا ليه كنت تعبانة..لأني بعارض إشي موجود..رضيت فيه أو حاربته ما بقدر ألغيه..بحبك وما بدي..بدي تعطيني عشان أرضى..اكتشفت إني أنانية لأني عم بحبس كل شي جوا..وحالي من جوا فاض وتعبان.. أنا تصالحت مع حالي وقررت أعطي على طبيعتي..بحبك وكياني صارمربوط مع هاد الحب..والطبيعي أتصرف على هاد الأساس مو أمشي عكس كل شي فيّ..رح أعيش بالضبط هيك وأحبك قد ما فيّ حب إلك..وإذا ما بدك إنت حر..ما دخلك فيّ أنا هيك مبسوطة..ومبسوطة بسببك يا حبيبي..مو إلك...
(48) تعليقات
أضف تعليقا
من الأردن
حلو كلامك منال .. بجد إحساسك قوي ....
حبك حلو ...
و حلو الواحد يتصالح مع حاله ...
بس هلأ ..... هوة إلتقى بغيرك ...؟؟!!!
يعني إنه الخطوة التانية إزا هوة ما بدو حبك إله .. بدك تضلي عايشة هيك ...
أنا معاك إنت مبسوطة و الله يبسطك أكتر .. بس فكري لقداام .. 
هادا كلامي إزا أنا فهمت النص صح !
يومك سعيد
من اليمن
منال سوريا ونحنو نعرف سوريا ومن حولها من اعظم الكاتب والمخرجين السوريين عن جد هذه سوى ذكرى وذكرى لنا
مشكوره على الكلام الروحني يسلمو
كلامك منال .. بجد إحساسك قوي ....
حبك حلو ...
و حلو الواحد يتصالح مع حاله ...
من اليمن
كلامك منال .. بجد إحساسك قوي ....
حبك حلو ...
و حلو الواحد يتصالح مع حاله ...
مشكوره منال على الكلا م الحلو مشكورين
من سوريا
رائع اخي لا يسعني التعبير
حروف تقدر حباً وحزن عميق
ادامك الله بود
احترااامي
من الأردن
يا جوزيف الدائرة شكلها كتير مأثرة عليك..بدك تحطني معك فيها؟؟ ما بدي خليني إلو وما بإيدي شي اعمله ليافا الحبيبة..
انا من يافا على فكرة بتعرف هالشي؟؟؟
من الأردن
يس رزان انتي فهمت النص مزبوط..بس هي الخطوة الأولى كانت انو ما بدو حبي إلو وضليت عايشة هيك...الخطوة التانية من عندو ما بعرف شو هي..
بس عندي رح أعيش اللي ورا واللي قدام طبيعي ما في شي رح يتغير.ما في داعي احرم حالي من شعور بيريحني..
عيشوا اللحظة يا جماعة..
من الأردن
سيدي ال ambra6or
أنا أختك ولي أخيك..
وحروفي تقطر حباً نعم..ولكن ليس حزناً..
وإن كنت..فبعد الآن لن أدع للحزن مجالا للسكن في منازلي..نفضت الزوايا وانقضى الأمر..
من المملكة العربية السعودية
يعطيكِ العافيه اخــتي كتاباتك جداً رائــعه ومميزه
مشاعرك في قمة الروعه
والأحلى اسلوب الكتابة
تقبلي مروري،،،
"دمــتي بخ ــير"
مبسوطة بسببك مو إلك إمممممممم لا تعليق!
نفسي أخنقه مع احترامي لمشاعرك تجاهه!
على فكرة أنا مغرمة في هاي الأغنية، ذكرتيني في أيام المدرسة، جد كتيييييييير حلوة وصوت عبدالمجيد فيها رائع!
من الأردن
7alllloosh
لا تعليق..أنا كنت حابة أعرف التعليق..
يمكن فيبفيدك انت كمان انو تخنقي..بس أنا ما رح أخليك طبعاً ;)
بالنسبة لعبد المجيد فصوتو دايما بيعمل جو غير..فاهمة علي اكيد
من الولايات المتحدة
3an jad neyalo, kolhaad 7ob
ana ba3ref enno el wa7ad lamma be7eb beshoof shi ma 7da bedenya shayfo '3earo, nefsi a2olek emshi b 7ayatek o bekafi eta3bi 7alek, bs kaman ba3ref enno law ana o meet 7ada zaye 7ako ma ra7 teqten3i, l2nnek bet7ebbi :D
... جميل أن نعيش اللحظة يا منال ...
ولكنني أدركت أن للحظة نهاية أيضا!!!
أتمنى أن يدرك ذاك الإنسان حبك ...و يبادلك إياه إن شاء الله
من المملكة العربية السعودية
كأني أمام مطر منهمر
حرفك صادق نابع من القلب ، جميل أن يتصالح الشخص مع ذاته لأن الآخرين لن يعطوه إذا لم يعط نفسه
متابعة
غيمة
من المغرب
أجمل الأحاسيس وأرق التعبيرات وأحاسيس مرهفة
تحية حب .
من فرنسا
الله يعطيك العافية منال كلامك كثير حلو اتمنالك كل التوفيق اشوفك عل خير
من الأردن
ياااه..غيمة وتقول بأن كلامي مطر منهمر..يا لسروري
هو ذاك لن يعطيك أحد إن لم تعط نفسك..
من المملكة العربية السعودية
واضح صادق بريء صافي قوي راقي ..حبك منال فيه كل المعاني الرائعة الجميلة التي جعلتيني عندما اقرأها احس ان دنيانا مازالت بخير وانه هناك اشخاص يملكون حب واحساس قوي وصادق ...
راااااااااائع منال رائع
كوني دوما هكدا
يشرفني ان تزوري مدونتي لقراءة "مااروع ما خلقت يا الله"
جارتك أميرة
من مصر
الحب أسمى المشاعر الإنسانية ..
فى بوحك الذى قرأته الآن سحر يدخل القلب ولا يغادر ..
على فكرة لو دخلت مدونتنا سوف ترى موضوعا صغيرا عن الحب من وجهة نظر أخرى ..
http://kafshtc.jeeran.com/archive/2008/1/454181.html#comments
من الجزائر
الله يخليك الاخت منال على الكلام الحلو . كلمات رائعة . 
من الجزائر
لا يخلو النص من صدق واحاديث النفس
سعيد بتصفحي لمدونتك..
من الجزائر احييك واكبر فيك كبريائك
على أمل التواصل
www.rabaisaadaoui.montadamoslim.com
قد تجدين فيه متنفسا ومجالا رحبا
اما الرابط/
www.colombo23.jeeran.com/algeriemafia/
فقد يزيد في فهمك للواقع زتفهم السياسة
من مصر
السلام عليكم .. اختى كلماتك جميلة ورقيقة وكلها حب واحساس الله يوفقك
اختك فى الله حليمة
من سوريا
كتبتي فابداعتي
اذا قررت أن تترك حبيباًأو صديقا فلا تترك له جرحاً ., فمن أعطانا قلباً لايستحق منا أن نغرس سهما أو نترك له لحظة تشقيه .
ماأجمل أن تبقى في روحيكما دائماً
لحظات الزمن الجميل فإن فرقت بينكما الأيام فلا تتنكرلمن تحب
ولاتتحدث عنه إلا بكل ماهو رائع ونبيل
فقد أعطاك قلباًوأعطيته عمراً
وإذاجلست وحيداً
فحاول أن تجمع حولك ظلال الأيام الجميلة التي عشتها مع من تحب واترك بعيداً
كل مشاعر الألم والوحشة
غزيزتي كلامك في غاية الرومنسية كان
صادق الحرف حلو الكلام وفقك الله ورعاك
كل ودي وورودي
غرازيا
من مصر
بجد كلام جميل أوى أوى تحياتى لكى وربنا يوفقك
هلا
=-=-=-=-=-
مدونه غايه بالرووعه
وفيها اجمل المواضيع
=-=-=-=
يسعدني زيارتك لمدونتي ولكم جزيل الشكر
http://alleqaa.jeeran.com/
&
alleqaa84@yahoo.com
من الجزائر
أشكرك على هذه الاحاسيس الصادقة
لكن
تموت الأقلام عطشا عندما لا تجد من ماء الفكر جرعة فكرة و لكنها تحاول عندما تجد ما يستحق أن يكتب
مزيدا من التألق في سماء الإبداع
أرجو زيارة مدونتي
http://louassa.jeeran.com
حسن من سطيف
من اليونان
اليتي العزيزة
المرة الاولى التي اتواجد هنا فيها
كلماتك جميلة
لك كل الود
حسن يحيى العذاري
من الأردن
tooti, manarah,kafshtc, adeema,algerodo, goody, haleemhnor, grazia,lovestorysmile, alleqa,louassa, hasanyahya
Thank you all for passing here, and hope to see your comments always..i'll be there soon...
من المغرب
عزيزتي منال.
أحسست من خلال كلماتك أن قلبك يعتصر حبا وغراما.
دامت لنا أحاسيسك الجميلة عزيزتي الغالية.
شكرا لك.
من سوريا
رهيب ...
شكرا لك صديقتي منال على هذه المشاعر التي أثرتها بالنيابة عنا
الغريب أنها ليست شعرا وليست نثرا وليست موضوعا عاما لكن ما إن قرأت البداية حتى ظللت أقرأ الى النهاية..
لا أدري ..ربما لأنها مشاعر صادقة غير مبتدعة..
شكرا لك صديقك عبد المعطي
من الأردن
منال:
جميل ان نحب باخلاص ولكن يا صديقتي ما فائدة ان تزرعي وردة من أجله وعندما تزهر يهديها لها..وما فائدة أن تزرعي البسمة في طريقه ليسلبك اياها لا اعتقد انك مرتاحه حين يفكر باخرى وقلبك يهواه..عزيزتي ابتعدي بصمت اذا لا تريدين جرحه ولكن لا تجعلي من نفسك ملجأ حين يحتاج صديقيني حتتعبي كتيييييير..
ورغم ذلك اعجبني حبك لدلك تقبلي تحياتي المسائيه معطرة بالورد والفل والريحان والياسمين..
نور
من مصر
عزيزتى
هذه أول زياره لى
وأكيد لن تكون الأخيره لما وجدته
من صدق وشفافيه فى المشاعر والأحاسيس
أتمنى لكى التوفيق دائما
أضف تعليقا
<<الصفحة الرئيسية
لك نيالو ... عليك ...اي شو بدو اكتر من هيك ...
في البوست التاني ... اذا مارد عليك .. انا رح ابدل وادخل بالنص ..
وهيك بيصير العنوان ... كلها ياانا ...الك ..
رح ارجع .. يوما ...ما ..
هدا اذا رجعت القدس ... ويافا كمان