أوراقي.. - Jeeran Blogs

على بالي..ومو على بالي..بس في كل الأحوال ما فيّ شوفك...

هيك مو مزاجي أشتغل ولا أرجع على البيت..ولا مزاجي آكل ولا أنام..شو أنام لسه صاحية على حلم بيسم البدن..و لا حابة أشوف حدا من صاحباتي ولا على بالي أحكي..بس على بالي أنتقل على لحظة فراغ يعني ما بينحسب فيها الزمن ولا أكون في مكان محدد..لحظات ألتقي فيها مع الروح اللي جواتي الروح المزاجية وأعرف شو بدها وأعرف شو الغلط في حياتي وأشوف اللي أنا بدي اياه قدامي وألمسه وأتأكد منه..وبعد هيك أطلّع وراي وأعرف بالزبط الطريق اللي مشيته لحد ما لمست حلمي اللي ما عم بحلم فيه..وهيك أرجع للواقع عشان أبدأ من غير ما أضيع وقت..

بس شو مفهوم الوقت بالتحديد..هو شي مادي عشان نضيعه؟ هو الوقت بيمشي بسرعة فعلاً؟ شو يمشي ما يمشي الوقت ما إله رجلين يمشي فيهم..الحق إنه الوقت ثابت والعمر وقت موجود من أوله لآخره..يعني ثابت ما بيروح ولا بيجي..نحنا اللي بنتحرك في الوقت ولما ما نستفيد منه بنكون نحنا وقفنا وما قطعنا الفترة اللي خلصت من الوقت..نحنا ما مشينا مو الوقت اللي مشي بسرعة..

مش مهم..لا مهم بس مش مهم ضل أحكي عنه..كنت عم بتفرج على السيارات اللي بتمرق من قبالة شباك المكتب وحدة وحدة..حسيتها مثل الأيام بتمرق واحد واحد وخلص..بيختلف اللون والشكل بس بتروح وبتمر على كل الناس..لما ما بيمشي اليوم مثل ما نحنا بدنا بيكون كأنه بيمرق بس من قدامنا ونحنا عم نتفرج عليه مو كأنه عايشينه..مثل السيارة اللي ما إلنا علاقة فيها..بس كمان الأيام ما بتمرق لأنها وقت..نحنا اللي بنمرق فيها..

يوم من الأيام المغبرة اللي ما بفهم الحكمة من اللي صار فيها..كل شي بيصير وكل كلمة بتنقال وإلها معنى بيكون في من وراها حكمة..كل صدفة هي حدث نحنا خلقناه بدون ما نقصد بالقوة اللي جوانا خلقناه..هيك بتصير لأنه في وراها حكمة..

أنا من جوا مجمدة..كيف حسيت فيه ما بعرف..بحاول أتذكر شو صار وقتها..موقف..كلمة أي شي مفيد..ما في..طيب من وين أقنعت حالي إني بحب..والله ما بعرف..بس أنا بالأساس ما بدي أحكي عنه..وبحاول من الصبح ما أفكر فيه..هيك..لما أحكي لازم يدخل في الموضوع..لما أكتب إلا كم كلمة عنه..لما أفكر في 3/4 الأفكار موجود فيها..أنا من الصبح بحاول أهرب منه يقوم يطلعلي هون كمان..

"اطلع من راسي يا"

"I want to explore you..i want to read you as a vague book..i want to know every part in your body..every slice in your brain..every idea goes in your mind..every pulse of your heart..

I want to be every thing for you..every meaning..and there is no meaning without me..i want to be your life..your dream..your ambition..your imagenation..seeking to possess you..then even if i'm far of you i will be satisfied because i know that i catch in my hand imaginary rope that join us..that i'm flowing with your blood in every one of your veins

Then i will tell my soul to run..to swim..to fly..to go wherever you are..and to hug your soul hardly..they will beleive then they will never ever separated whatever happen..."

من وحي الساعة الواحدة بعد منتصف الليل... 8/ 2005

لهذه الأغنية ذكريات عندي..ذكرياتي ليست مرتبطة بمعنى الأغنية الذي أدركته حديثاً..بل بالطريقة التي سمعتها فيها لأول مرة..أدركت بعدها عمقاً أبعد لشخصية كنت أعرفها ولا أعرفها..شخص كان له أكبر تأثير في تعديل تفكيري وتغييري وزيادة ثقتي بنفسي..أكثر تأثيراً حتى من والديّ! لا أعرف أين هو الآن وما هي أخباره..لكنني في كل مرة أسمع فيها هذه الأغنية تهتاج أشياء في داخلي..وأدرك أكثر أننا شربنا الذل حتى الثمالة...