لا تقلقي يا صديقتي، فأوراقك هنا ستكون بأمان، آمنةً بين الأحضان.

أهلاً بك وبها، وبقلمك المبدع أينما ذهب، في صياغة حروفك من ذهب!

فهل من مزيد؟

يعني هناك سبقني :(
كنت بدي أكون اول حد يعلق في هاي المدونة ، بس يلا ما حلاقي أحسن من هناك يعلق قبلي :)

منال ..
أولا مبروك المدونة و بداية موفقه جدا!

تانيا أنا وحده من الناس لما عملت مدونتي ما هجرت أوراقي لأني بكتب على الورق أول و بعدين بنقله على الكمبيوتر ، بحس الكمبيوتر أجمد من اني أطلع أفكاري و مشاعري عليه من أولها .. صح؟!

تالتا بتمنالك التوفيق و أنا متأكده انك حتعملي مدونة كتير حلوه .

رابعا أنا مبسوطة كتير بانضمامك لعائلة جيران و بتمنى انت كمان تستمتعي بالرحلة معنا .

و أخيرا .. وصلك ايميلي ؟! بعتلك اياه مرتين ، كل مره على عنوان شكل .. اذا ما وصلك قوليلي عشان أرجع أبعته ، و اذا بدك مساعده ما تترددي .

السبت في اجتماع للجوردن بلانيت .. بتيجي أوكيه؟!

موفقه يا عسل :)

يا الله قديه حكيت :\

خجلتيني يا حلا!

بعدين شو قصة هالاجتماعات اللي بتعزمي عليها ناس وناس؟ ترى أنا بديت أغار ;-)

أما عن الورق، فقد استبدلت به لوحة المفاتيح لسنوات، ثم وجدت نفسي أعود إليه مؤخراً ليعود قلمي لاعتصار كلماتي قبل أن (تسافر) -على رأي منال- إلى ذلك الجامد -على رأي حلا.

وكمان على رأي حلا: موفقة يا عسل :-)

هاد اجتماع الJordan Planet community
و هو عباره عن مجتمع للمدونين الأردنيين اللي داخل و خارج الأردن ، و للمدونين المقيمين في الأردن شو ما كانت جنسياتهم ، و بنعمل اجتماع كل شهر و الدعوه بتكون عامه للمدونين و القراء ، و اللي بحب بيجي .

لو كنت موجود هلأ في البلد كنا أخدناك معنا أكيد ...
بتنور والله :)

عزيزي هناك طالما أنك هنا أنا واثقة أنها ستكون بأمان..

حلا شكرأ كتير وصلني الإيميل..بس لسا ما شفته..

أنا جداً مبسوطة إنه مدونتي عجبتكم..خجلتوني!!

للوهلة الاولى
بحرفك هنا
ايقنت اننى
تجاوزت الرحلة
وبداءتـ على درب الهوى
فـ أي الابجديات
ستفئ لأصفك


سلم القلم وراعيته

كوني بخير


هاله

هالة
أن تتركي أثراً..قطرات من بحر روعتك التي قرأتها هناك..يسعد مدونتي

سلمت....